▓費啟宇
詩人柯柏榮kin-á-jt e-p 2 點kàu 4 點，tī 府城舊冊店張辦ê「閱讀府城：在地文化講
座」主講「台語詩人ê 在地書寫」。
我peh 去lih 3 樓ê「公民美學講堂」，隨看tih i tī hia leh 無îng。詩人taⁿ-á 得tih 今年
教育部ê 母語文學獎社會組台語詩首獎；最近，台語歌王洪榮宏tī 公視《誰來晚餐》節
目saⁿ 請之下，mā 親身落南來kah in tau 拜訪、錄節目；前1 站á，koh tú-á 好tsuān 佛光
山人間衛視ê《人間心燈》，看i 接受主持人潘安邦ê 訪問，tsàm-jiân 是台語詩壇ê「當紅
炸子雞」。我 tng i ê 面講：「『你是詩壇的林育群』，3、2 ē 手隨tshìng kah li%h bē tiâu，h'人
感覺講你有寫詩ê 天才koh 堅強ê 意志，m tsiah h'人來肯定。」
I tsiok 謙虛koh pì-sù，k'微微á 笑代替謝意。Suà--落-來，主持人潘景新紹介講台語詩
人1 半khah ke tuà-tī 大台南kap 高雄地區；南台灣koh bē-su tsiâⁿ-tsò 台語詩ê「巢窟」，在
地詩人ê「南方書寫」，m tsiah 變kah tsiah 重要。Tse tō 是in 後驛文史工作室辦系列演講，
tshuē 柯柏榮來khiā 頭á 場ê 原因。
Ē 記頂1 回來聽潘潘景新ê 細漢後生――潘翰聲演講，柏榮兄送我i 簽名ê 詩集《赤
崁樓ê 情批》。Hit tsūn i 有tāi-tsì 先走，交待潘姊（潘靜竹）轉手h'--我。我tńg kàu 厝kā
讀，感覺是有感覺，m-koh 無tsiok 強烈--ê。Taⁿ 無kâng--a，kin-á-jt e-p 聽i 讀ka-tī ê 作品，
我醉tī hit 款流li%h ê 音聲，有淡薄á 去h' i 迷--去，有影無leh 臭彈。
Tsìn-tsîng 詩人在監，接觸基督教、tshuē-tih 新性命，koh 恩師黃南海saⁿ 牽kiâⁿ 入台
文界，寫出1 首1 首h'人感動ê 台語詩，前前後後koh th3h kuí-ā 个文學獎、出版詩集《娘
á 豆ê 春天》kap《赤崁樓ê 情批》，正港是「更生人」ê 典範。
I 一直o-ló 許丙丁、陳建成寫ê 台南地景詩kap 陳正雄ê《戀愛府城》，koh kh3h ka-tī ê
詩kap in saⁿ 比、講ka-tī ê 創作觀想。I 講，過去tī 籬á 內有斟酌研究--過，受tsiah-ê 詩人
tsiâⁿ 大ê 影響，to 有心beh 來h--in、書寫有人情味、關懷土地ê 詩作。
H'我khah 食驚--ê 有3 點。頭á 點，i kap 我pêⁿ-pêⁿ 安平人，lóng 以ka-tī ê 鄉土來感
受尊榮。像我，gún 母á 是安平人，個性khah 強；mā 因為án-ne，我ê 血有一半m-jīn
輸ê 霸氣來tī「母性的光輝」。柏榮兄 mā kāng-khuáⁿ，有「海」派作風；m-koh，leh 處理
安平古堡、五條港、赤崁樓tsiah-ê 題材，suah 表現1 款深沉溫柔ê 情tī--teh。
第二點，i 對本土詩，的確有落過工夫，kin-á-jt koh pun 1 本「武功秘笈」，包括華語
kap 台語ê 雙語注解，h'我知講有tsiah tsē 台語詞ē-tàng 代替華語詞，我ê 台語「武功」
koh bē-su tst-ē-á-kiáⁿ tō 大進步，未來寫台語tiāⁿ-tih ē 得參考。
第三點，I ê 創作思考跳脫人ê 邏輯，以我nā 是雲、是山、大樓、樹á ê 角度來看萬
物，所致觀點是無kâng--ê。I 一直leh kap ka-tī 對話，以萬物ê「心眼」看萬物變化。
最後，I th3h 陳明仁詩人ê 1 首詩做結論，講詩ê 意象kap 實體bē-sái 憑空捏造，ài 親
身接觸tsiah 有khah 深lh ê 體悟。
演講suah，tī 冊店ê 亭á-kha，tsham 成大台文所ê 博士候選人施俊州、德國洪堡大學
哲學博士候選人李林坡、詩人林文平、《首都詩報》發行人潘景新，saⁿ-kap 談論「語言
kap 象徵暴力」、李林坡ê「自由主義」、德國哲學家卡西勒kap 莊子哲學ê 比較等主題，
有影收成bē bái。
尾--á，koh 講tih 1 位mā 寫小說ê 教授勸i ê 研究生――某1 位有名ê 新世代小說家，
mài kan-na 為tih 獎寫he「小鼻子小眼睛」ê 作品，ài「大kioh」。
我有接受tsit-lō 觀點，舉例講ka-tī ê 詩無sè-jī 入圍文建會ê「好詩大家寫」――教冊
îng、外路兼--ê，thàn 幾sián tsîⁿ--a，m tsiah 講b%k-tsiu t%k 日siòng he 票數，無像tsiah-ê 台
語詩人自費出版，有大kioh！我，有影「小鼻子小眼睛」！Taⁿ-á 講了，文平兄隨講：Tú
開始寫，t%k-ê 風格lóng mā「小鼻子小眼睛」，án-ne m tsiah 有機會kiâⁿ 大路、pìⁿ 大kioh。
講suah，大家lóng 笑kah 心tsiâu 開。
我想，「東門城」是lè-táu ê 古蹟，有i 開闊ê 身世。T%k-ê tú-tng 有緣坐tī tsia phò-tāu
談藝，無tiāⁿ 有1 工tiàm 城á-kha 辦1 場全國台語詩朗誦大會，或--者詩人招民眾tsò-hué
讀詩，tiāⁿ-tih 是1 款景緻。
▓林裕凱、Marcus 翻譯