偉大兮母愛   擬稿人 張郎

各位評審老師，在場兮好朋友，逐(tak)家好，逐家無煩惱。 我是第囗號             ，今仔日兮演講比賽，我必(beh；要.)講兮題目是—偉大兮母愛—偉大兮母愛

敆阮抱，敆阮牽，敆阮飼，敆阮擦，

替阮舉，替阮擔，替阮搧，替阮蓋

惊我寒，惊我燒，惊我枵，惊我病痛，惊我吞苦藥

為阮操，為阮煩，為阮搦屎搦尿，拜東擱拜西，無閒到無暝無日。

這世儂，我傷愛兮人，就是阿母。若想著阿母， 我就會想到伊身軀兮特殊香味，敆面頂兮笑容， 我兮心內就有一陣足溫暖兮感覺。

阮阿母有一雙活靈靈的大目珠（ba̍k-tsiu），亦掛著一副目鏡，常常笑瞇瞇，予人一看，就知影伊是一個足有學問又擱溫柔兮儂。媽媽在巷仔內人緣足讚，阿公講阿母對儂是儂儂好，未愛計較，逐項代誌攏替別儂想、處邊頭尾的儂自然攏「謳樂」【ō-ló 】伊。

阿母傷注意我兮教育問題。細漢時，我若是寫功課.讀冊時，伊就坐佇邊仔陪我。有時我讀到足煩兮，想必出去荒騷，就一直盧阿母 ，阿母只有對我講：「憨囝，作嗇若必 (beh要也)有好收成，就愛付出真大兮代價，流真濟兮汗；無可能--蹺跤撚喙鬚，成功著ùi天頂跋落來。」這時，我想到必 (beh要也)愛有好成績，我就一定愛認真，無敢擱烏白來。

阿母定定講我是伊心肝頭兮一塊肉，我若有受傷，抑是任何委屈，伊攏比我較艱苦。伊希望我會當好好啊愛惜自己。

平常時，我傷愛敆阿母抱著著，伊定定會笑咧罵我「擅八」，阿母講，這時陣，爾兮愛抱我，大漢時，爾就兮愛抱查某朋友啊。……阿母攏毋知影，母囝仝心兮感覺，毋是別儂會使代替，天下哪有可能擱找到伊這款予儂安穩兮偎靠呢！

我實在是足有福氣，有這呢好兮阿母。阿母，爾兮恩情較大天，爾兮偉大，無儂當比。千言萬語一句話，阿母，爾是我永永遠遠傷愛兮儂。

……我兮演講到這結束，感謝大家。