人攏會老，毋通恥笑白頭毛的老人，青春歲月短短，連鞭就會過去。少年若袂曉想，食老就毋成樣。
少年人毋通恥笑老歲仔人頭毛白蒼蒼，當咧開的花蕊會當紅艶偌久？時間袂會為任何人停睏毋行，每一个人、每一項物件終期尾攏會予光陰帶走去。
是講老人嘛愛自立自強卜毋通「徛咧著放屁，坐咧直哈肺，倒咧睏袂去，見講講過去，隨講隨袂記。」予少年人笑咱：「老猴無粉頭 」。
