邱褔龍-東方不敗

這套1991年出版嘅書，屬於邱褔龍前幾套作品之一了，可惜都係虎頭蛇尾，全書出到52期就爛尾！不過如果係邱褔龍fans，作為留念都應該儲埋佢呢套前期作品掛？
呢套開頭又真係畫得幾好，人物設定又落足心機，重出埋本"東方不敗"特刋，斷空、鐵血皇、軍莫敵、仇一刀、南國至尊....統統都係勁正角色，可惜都係只能畫到20期便易手他人，嘥晒！
始終感覺就係太長篇武打題材畫落去就唔掂！我都研究過佢所有嘅作品，發覺有以下問題：
1.邱褔龍武打書只適合畫些中短篇，太長拖落去就好唔掂！
2.盡管近期有套唔錯嘅"第8銅人"，但佢嘅特長始終係科幻優於武打！
3.上官小强壽星仔、黃玉郎龍虎門、馬榮成中華英雄、上官小寶李小龍、漢民怪異集...每套都係好鮮明突出嘅個人代表作，龍哥就係須要有一套咁樣屬於自己突出嘅代表作品，能够等同上列各套作品嘅影响力，去確定佢嘅級數，這樣也就不負果啲咁多年都咁支持佢嘅fans！

東方不敗，1991年出版，1-52全封面

最後兩期改為"東方不敗畫集"

1-10期封底彩圖

第20期，褔龍向大家說再見，真係幾"交帶"喎！

東方不敗特刋，其實同畫集無異，但當年只賣$35，又平又正！

附錄龍少以前作品，佢畫"太賀誠"，真係未見過！