今日一大早七點起身準備返工, 本來昨晚問老豆或許會車我, 因為佢已經辭左機場份工, 呢個星期都會做住兼職的士司機, 不過, 今朝接同佢電話話車有少少問題, 不可以車我, 甘我只好自己搭車返光大廈啦>_<

八點五分左右出門口, 行到祐漢個巴士站又啱啱好睇住架巴士走左(嗚~~~><)好驚好險甘啱啱好返到去, 一返到去就要坐另一架巴士去氹仔威尼斯…….去到都是去等的時間比佔了絕大部份, 由等分派制服(話時話, 我竟然要攞加細碼的, 但個件加細碼的都已經好大件, 哈哈哈~~~)到等整員工証, 由十點等到中午一點几…….要命, 我仲要好笨甘着左對有踭的鞋返去, 企到我隻腳好似快斷甘, 嗚~~

甘啱我今日怕太趕, 早餐都無食, 又累又餓甘渡過左我的早上=   =’’

我發覺我地PR呢班MEDIA HOST九成九都是澳大的學生, 佢地好多本身就是同學或者朋友, 所以呢, 一開始我又要面臨一個又個小團體的命運, 算啦, 我都不是好介意的, 咪當返學前的熱身羅~~~呵~~^^

終於到左食飯時間, 好開心, 原來佢有提供膳食架~~正~~~^0^~~仲要是自助餐甘的形式添, 呵~~攞左好多野食呀, 但都是甜品最吸引我, 不過我不敢要太多, 因為我已經攞左好大碟飯同沙律, 哈哈~~

但到左揾位個時, 今朝同我比較有多几的人我都揾不到佢地坐左去邊, 到我轉左一陣, 見到WINCY個時, 想問佢, 但佢是甘行來行去, 又攞野飲, 又攞野食, 完全無理我, 又無想帶我去佢地坐的地方度=     =””我個時仲成手都攞住好多野…….算啦, 人地無義務一定要幫我的, 之後, 去到佢地的位, 點知已經無多餘地方比我坐下, 無奈之下, 就坐左去好大班澳大生個張枱, 一個人默默甘食完我個超多的食物啦, 哈哈~~~其實有點想自己一個人坐開食的, 不過人不可以原地踏步的, 我呢D壞習慣, 可以的, 我想慢慢改變, 如果不是, 大學呢四年, 我可能就真的要一個人過了, 不過呢, 我一邊慢慢食, 一邊觀察下四周的環境, 發覺都不少人會自己一個人坐, 一個人食飯, 可能是新的工作環境關係吧, 不少人都未找到朋友吧?

感覺, 其實我不用太介意自己是咪一個人食飯了, 呵~~還好啦, 我想有好多野, 我要學識放開心空去學習如何面對^^

下午食完飯, 主管部門終於出現了, 帶左我地行左一陣我地呢個月將會工作的地方同基本的工作範圍, 4點就可以收工了~~~好開心~!!

今日返工就在威尼斯撞左3個同班同學, 估不到呢~~威尼斯好似把全澳的大澳生都請來了, 哈~~

還有就是, 係我地呢同一班的新同事中, 又有人好榮幸甘同我撞左英文名羅~~~不過,不緊要啦~~~^^

明日放假, 梗加估不到, 呵~~可以去行街了~~

加油呀~~~^0^~~

2007/08/01