老了！沒體力、沒活力、沒精力、沒勁兒、沒興趣、沒前景…(國語開場)

續落規氣露台語，此攤毋是干焦佇芡香爾爾(音：倆倆)，本土意識三不五時著愛提出來小挵挵咧！全文台語伺侯。(毋買叫你冤家燒啪，嘛免四家去抗議，祇要攑筆卒兩字：「偶愛刣完，刣完是福爾摩沙。」，證明國語參台語袂起衝突，趣味顛倒加重重，咱大家作夥來爽歪歪您講好嘸好啊！)

老矣！爻破病、爻操煩、猴時間、爻想、爻夢、爻氣、爻惦眠床頂盤車輪…人生行到此嵌站，活著實在無意義，不如死死ㄟ卡快活，哎！有請牛頭馬面，半暝趕緊來佮阮掠掠去，等您喔！感恩。…

且慢！慢且！吚啊囉吚(註)！為何想袂開？食老咁真正愛失志？狗蟻尚且知影惜性命，何講你大武郎老皮擱韌韌，有必要家己來作賤家己嗎？人講：加活一工有彼一工的價值，老矣又擱按怎？證明你一路行來會堪得摃，數十年來憑著鋼鐵的身、紅膏赤熾的心，外加一葩若腩的火、怨冲牛斗的氣，啊！這才有今仔日的你，何必？何必？千千萬萬何必掛佇我心肝底，問你究竟是為啥咪？為啥咪嘛？… (註)：歌仔戲開場白

應該是功成身退享受人生的時拵囉！破病嗎？加加減減曷著甚在意？痴呆是福，將過去不如意的記憶完全擲掉，病痛嗎？食苦若食補，過去你抑毋是毋捌拄著，彼當拵擱是鑽肝穿心的痛咁袂記得？如今受醫療技術進步的致蔭，有外勞通照顧，規家口人又攏遮呢關心你，退一萬步想，准講你瘦赤甲存一支骨，最後嘛亦有好心的贊助機構幫你來處理，安啦！據在你翹跤捻喙鬚倒佇，天自然有生目睭嘜乎你去吃虧著啦！

愛會記得一句話哦："人生七十才開始"，看吧！幼稚園(UDN)超齡的老頑童一大堆，稱採撾請聽阮來講幾位：更生老大哥現此時猶原一隻若燕鳥，啪網球飛身接招，反手切，正跤順續踢出去對你示威。亦擱這位笑笑先生，轟動文林驚動萬教，外口查某子一堆濟若雲，便若有美嬌娘參伊翕相偎惦身軀邊，伊彼支喙仔總是嘻嘻嘻，欣羨嗎？嘸免啦！你家己嘛會使打開門窗另外看一片天，總講愛以德來服人、用你歲月刻劃的貓痕去挽怹查某人的心，大小漢通食，買乎怹煞你甲仆仆倒。續落這號人物彼那用講——老邁知影吼？你我攏聽伊講古大漢吔，"耳仔磕磕、目睭生菇"是乎咱唯一的感想。…來來來！擱來介紹報您知，最近我發現著的這位阿倪奇，自稱九十八，實際可能七十鬼，愛鬥又興啼，勇猛宛然一隻虎豹獅，辯才無礙愾口又揚：「恁爸誰敢動我一支毛，罵甲你滲尿叫阿母。」嘿嘿！領教了後保證您見識怨少年跤手敏無路駛，卡輸一條老根節，這位先生大名咱稍掩崁，小小透露伊姓蕭。噯！搬土地公出來無其他意思啦！勸大家珍惜一世人一直到最後的一秒，老來並無啥咪通悲情耶，心態上第一要緊，摁望互相贊助祝福啦！我嘛是報到來的，從今以後正式宣佈老仔仔頭前彼字「老」確確實實、名正言順，已經成為我的註冊商標囉，看過來！看過來！作陣咱仝齊呼一聲：「贊啦！」。