親情<永世不滅惟血緣僅有>

※《母作忌日之念禱》

舊曆十月廿三，遇小雪，是母親的忌日

依慣例佇神主牌前合什請安

也無牲禮，省掉辦啥咪腥臊

揣酒嘛免，因為毋捌看伊序大人，在生時袸有斟杯飲甲半滴

衹是會用來敬神拜祖先，三不五時請人客料理參兩滴仔出味

講到遮懷念心又起，喙涎卻潺潺湧，含舌內吞腹底羨甲有存

續落開始絮絮唸乎伊聽，喔！想起彼當拵

愛食汝炒的米粉、炊的菜頭粿，飲蕹菜湯、蕃薯糜配菜脯蛋

…總一句啦！透世人使人懷念的古早味

內底參有汝用心的關懷、汝無私對規家口大大小漢彼種付出

母啊！開講已經誠久矣！猶原想欲表達子最後最重要的摁望

願汝在天之靈，繼續保庇子子孫孫

賜阮健康袂破病，予孫輩會當有好命字，統所有相關的人平安順事

足感心啦！知影汝時常佇阮身軀邊有保庇，毋顧汝煩表示阮足重視

雖然今仔日猶原出一支喙，但總是子的心底話

因為愛袂隨著時空來斷離

序大人雖然已經無佇囉！卻是大家永遠心的寄託

千言萬語、話東話西確實講袂盡

結結做規球啦！值此紀念的日子

拈香擎煙，用傳達表示阮此片心

愛情<寫“情”字彼條路>

※《重拾舊歡彼刻》

汝參吾作陣究竞有啥咪目的？

想問，應該汝心肝底上蓋清楚。

昨暝彼一陣風是突如其來的急，

連思考嘛袂得有泠靜時刻，

咁講註該蓮藕絲攙攙膏纒嗎？

抑或者是刻意欲害阮跋落的陷阱？

千糾萬結過去有理袂清恩怨情仇，

就一暝爾，醒起來此時袸...

噯！卻變甲離離落落。

※《愛愛有頭有尾》

赤身裸體佇伊面頭前毋知見笑

遮了解原來愛情是孽障

羞羞變笑詼，咪喙兼唅著目油

“摟卡絚欸嘛！儂阮已經將所有獻乎汝囉！汝咁曷有通躊躇誒？”

願此情有頭到尾，天撮合的一對矣！永遠會毋是迫迌人。

友情<摘自臉書之互動文>

※《望飧瘋》～台語（國語）

度夜手機甲電腦(鎮夜划手機玩電腦)

規暝恁北蓋無閑(忙到幾乎沒得空閑)

雜七雜八看袂訕(雜七雜八看不會覺累)

作夥攏是膨風仙(一夥的全都像在吹牛)

果然套頭整齣戲(說白了此乃戲說人生)

牽親牽戚無大小(整場呼朋引伴無分長幼)

相約吉日訪老何(興緻來時又相約好去訪老何)

總共七八公招孫(算一算共七八個人,像老公雞帶著小雞似)

趁得機遇祭胃腸(趁此機會賺得了飽餐一頓)

喙哺目笑滿面春(嘴嚼眼睛瞇瞇笑都春風滿面)

百無聊賴更生伯(這位更生伯無事都用賴聊天)

風神傳信老青春(也很炫燿的傳信給了老仔仔)

按怎?流涎矣齁!(怎麼樣?會不會流口水啊?)