《食老愛惜本份》

孔子公講：「六十耳順」，我喲伊指的是耳孔輕

食到這個歲數，棺材軁欲三分之二

想囂俳嘛存毋寡久，擱著愛看本事

好野毋值得會食，好命袂比得勇健

萬項事嘜計較，耳孔輕就甲吊鐵鈎

聽到耳仔，學乎這屏入彼屏就佮出

痴呆是福氣，若無就佮假一塊鎚鎚

毋是阮願意按呢，為省事事省所致

﹙註﹚：「軁」音似楞。見於“集韻”例：軁鑽

《扑斷手骨顛倒勇》

論地位，袂比摒

人交陪的是關公劉備

阮交陪隴是林投竹刺

要講財富，袂輸針黹對紡機

咱粒粒積積毋夠添三頓

人山珍海味食袂完，細姨娶一堆

時也命也運也，非吾不能也

認份遮是咱的底致

千變萬化毋值得造化

千算萬算袂堪天一筆

註該你要瘦赤，上忝擱拄著歹年冬

咬牙切齒隼就過

扑斷手骨顛倒勇

除了按呢想，若無咁會當馬按怎？

註：「忝」音似掭，見於"廣韻"：辱也；在此引申為累之義。