《賴的啟示Ⅰ》

 

五花十色看袂完

 

卡興嘛是彼一項

 

問阮究竟啥感覺

 

返厝參某找答案

 

舞甲大頭小粒汗

 

拼到小頭大糊瀾

 

歸尾亦是腦鈍鈍

 

一醒透暝到天光

 

《賴的啟示Ⅱ》

 

做人根本得知道理

 

傳甲一堆卻看袂離

 

古囉囌古真正興啼

 

烏魯木齊甭擱佯生(蒙古鄭青)

 

恁北事業做遐呢大

 

天南地北無啥趣味

 

《賴的啟示Ⅲ》

 

汝傳來乎阮此是啥碗鍋

 

摧人珠淚毋通用偷食步

 

自稱有血無目屎展漂魄

 

此聲害呀哭甲卻閃無路

 

人講荏荏馬嘛有一步踢

 

袂堪受刺激真正落下頦

 

《賴的啟示Ⅳ》 *女 #男

 

*尪喂！汝佇創啥咪？

 

#俺某喂！吾佇想汝。

 

*人阮嘛仝款。汝有食乎飽穿卡燒否？

 

*有，有啦！食飽想作陣；穿燒親像佮汝佇溫存。

 

*毋晟尪仔不似鬼，開喙攏愛戲弄阮。

 

#賴來賴去鬥喙鼓，袂輸當面若相唚。

 

*雙人恩愛加一重，寫來寫去捽袂停。

 

…………………………………………………………