捨愛得道

《四十二章經》第十六章－捨愛得道

佛言：人懷愛欲，不見道者。譬如澄水，致手攪之，眾人共臨，無有睹其影者。人以愛欲交錯，心中濁興，故不見道。汝等沙門，當捨愛欲。愛欲垢盡，道可見矣。

我對經文的了解，佛是教咱講：

人時常予世情之愛所迷，被財、色、名、食、睡等五欲所捆縛，所以一生當中無辦法瞭解著圓滿的真理。好親像一片清淨的潭水，本來澄清的水面，予人用手攪撓振動，就起了真濟的水波痕。這時陣逐家做伙來看水面，是無法度佇水影面頂，看清楚各人的倒照影。

人也是共款，予雜濫的愛欲交纏，心中就污穢、混亂、不安，自然無法度體會著圓滿的真理。

就因為按呢，所以沙門啊，恁是為著了脫生死來修行，應當捨去愛欲。心中的愛欲一斷，本心恢復清淨，就會當學道，見道，上結尾成就了佛道。