Contents ...
udn網路城邦
艱苦頭,快活尾。
2014/12/05 16:43
瀏覽3,167
迴響0
推薦41
引用0

*(演講稿)

艱苦頭,快活尾                

位評判老師、各位同學,逐家好!  (行禮

我是第號,今仔日欲演講的題目是:艱苦頭,快活尾。

         
想起讀國校四年的時,看著厝邊仔的阿玲,逐工若(nā)放學轉來,就騎跤踏車佇社區內踅(se̍h)來踅去誠快樂,我足欣羨的,就共(kā)阿爸講我嘛欲騎跤踏車,阿爸上惜我,過二工仔就買一台粉紅仔色的跤踏車予我,我是歡喜kah笑微微,隨共跤踏車牽咧就(hua̍h)起去騎,跤踏無幾下,人佮車就趨倒落矣(ah)!阿娘喂!若會按呢?哇!跤頭趺(u)(lù)破皮流血矣!頭殼額仔(thâu-khak-hia̍h-á)嘛有摖(tshè)著傷,足疼的,我沓沓仔(ta̍uh-ta̍uh-á) peh起來,心內想講我應該會曉(ē-hiáu)跤踏車才著矣!

         後來,阿爸共阮講萬項事志攏艱苦頭,快活尾。」講跤踏車是著愛先學(o̍h)會曉的才會當家己騎咧走,咧學騎的時邊仔愛有人鬥扞(huānn)咧,才未發生危險,講阿嘛是in阿爸陪伊學規個月才會曉騎。阿爸koh講:「毋管學啥物,攏嘛先艱苦頭,才有快活尾。讀國中以後,我就較會曉想,知影艱苦頭,快活尾。」就是先苦而後甘的道理,序大人嘛定定用這句話來勉勵序細愛好好仔讀冊,將來才有出脫。

         佇讀冊學習的科目,我對台語文嘛真有興趣,佇學校有參加「台語社團」,就是想欲加學一寡。台語的四大領域(líng-hi̍k)聽、講、讀、寫,聽佮講較無問題,因為自細漢厝裡佇日常生活中攏有咧講台語,讀國校的時嘛有台語課,啊若讀佮寫,台語老師講必須愛經過學習訓練才會曉的。

         佇「台語社團」,koh(uì)台語音韻系統的三要素-聲母、韻母、聲調學起,老師講台羅拼音若學會曉的,佇朗讀文章的時,發音會較正確,講台語嘛會較滑溜,啊若拄著未曉讀的字才會當查字典來拼音捌字,台語用字若愈(jú / lú)捌愈濟,就會當學寫作,而且台語就是愛靠文字佮台羅拼音,漢羅併用(pīng-iōng)文化才會當世代傳承落去。

         我感覺台羅拼音真歹學,自國校就記未起來,聲母、韻母、聲調我知影,毋過咧練習拼音的時陣,就是拼未準音,攏會走精去,誠失志。老師一直共阮鼓勵講:艱苦頭,快活尾。koh俗語講:字是隨身寶。台羅拼音一定愛學起來。」

         台語用字我有捌一寡,毋過若欲寫文章猶是無法度,我這擺報名欲參加演講的時,台語老師鼓勵我試看覓(māi)的家己學寫演講稿,結果我猶是寫未出來。艱苦頭,快活尾。」這句話足有意義(ì - gī)的,我欲用來勉勵家己,從今以後,我會koh較拍拼學習,一定欲共台羅拼音學予熟,而且加強學習台語用字,有一工才會曉寫台語文章,向望後擺參加演講的時,我會當為家己寫一篇台語的演講稿。

        我的演講就講到這結束,多謝逐家!
minda 2014.11.8 

 

有誰推薦more
全站分類:創作 另類創作
自訂分類:演講稿
上一則: 我上敬重的人
下一則: 逐日好心情,學習才會成。
發表迴響

會員登入