Contents ...
udn網路城邦
茉莉花(台語詩詞)
2010/11/14 07:44
瀏覽1,971
迴響2
推薦23
引用0

茉莉花清香 開佇月光跤 恬恬(跤音:kha,下面;恬音:tiām,靜)

問伊佇想啥人 輕輕一嘆 伊無講半句目眶一直紅

感情一愣 欲挽回只是了戇工(愣音: gāng;戇音:gōng,傻)

過去的戀夢 今嘛只賰一場空 無人疼痛(賰音:tshun,剩)

茉莉花清香 開佇月光跤 恬恬

問伊佇想啥項 輕輕一嘆 伊無講半句目頭結絚絚(項音:hāng;絚音:ân,緊 )

心情一重 愛春風嘸通閣擾亂

破碎的心窗 抾做伙嘛袂擱完全 啥人會當(抾音:khioh ,撿;當音:tàng,可以)

春天遐爾遙遠 幸福袂當成全 相思又閣一直煩(遐爾音:hiah-nī,那麼)

身軀邊空空 花開花謝等無遐領新娘網

茉莉花清香 開佇月光跤 恬恬

問伊有啥向望 輕輕一嘆 伊無講半句嘴角微微弄(向望音:ǹg-bāng,盼望)

青春一縫 越頭已經幾若冬

無啥通怨嘆 目屎也已經流完 袂閣疼痛

..............................

PS.通俗的台語歌詞用字法

茉莉花清香 開置月光腳 惦惦

問伊在想啥人 輕輕一嘆 伊無講半句目眶一直紅

感情一愣 欲挽回只是了憨工

過去的戀夢 今嘛只剩一場空 無人疼痛

茉莉花清香 開置月光腳 惦惦

問伊在想啥項 輕輕一嘆 伊無講半句目頭結緊緊

心情一重 愛春風嘸通擱擾亂

破碎的心窗 撿做伙嘛袂擱完全 啥人會凍

春天那麼遙遠 幸福袂當成全 相思又擱一直煩

身軀邊空空 花開花謝等無那領新娘網

茉莉花清香 開置月光腳 惦惦

問伊有啥嗯望 輕輕一嘆 伊無講半句嘴角微微弄

青春一縫 越頭已經幾落冬

無啥通怨嘆 目屎也已經流完 袂擱疼痛

有誰推薦more
你可能會有興趣的文章:
迴響(2) :
發表迴響

會員登入