平安過日好味是，身軀勇健上歡喜

前教育部參事何進財教授佇「書香益友，天長地久」的專題演講內底提起「平安過日-好味是，身軀勇健-上歡喜」即句話。

以即句看來，「好味是」是好的，捌聽著即句話的人，應當是半老老﹝中年﹞的，伊的意思是啥，我捌聽即句話，意思花花，無去稽考。問老輩，講法無蓋一致，唯這看會出台語的流失的困境，使人感嘆。

    查幾何本字典才佇三本字典揣著： 

楊青矗《國台雙語辭典》p225「好維是」：愛惜維持舊物，捨不得丟掉。 

陳修《台灣話大辭典》p615「好惟是」：唯唯諾諾。和氣。昨昏都猶好惟是爾（leh）安怎會更變症。ð昨天還是很好很和氣的嘛，何以會突然變卦。

邱文錫‧陳憲國《新編華台語對照典》，﹝好好的－好唯是﹞﹝好端端好唯是﹞﹝言歸於好－好唯是﹞－囡仔冤家，免偌久又閣好唯是。﹝唯唯諾諾－咿阿從事；好唯是；聽命唯是。﹞好唯是－頂司出口令，下司好味是。 

華文字典所寫，「維」、「惟」、「唯」三字是相通。怹三人對即字注的音攏注「bi7」，我所請教老輩的講法，無人親像楊青矗前輩的解說，參陳修佮邱文錫‧陳憲國前輩的講法較接近。唯唯諾諾，華語辭典的解說是「順從而無所違逆」。

    若講..伊的人笑頭笑面，未記恨、未看人無目地，伊真是「好惟是」。按呢是正面的講法，毋過，有人認為即句是品評伊無是無非、無性無地，做人「鄉愿」。

    朋友，請你，或者請教老輩，將看法、講法報予逐家知，